سەمەيدى سۋ باسۋىنا  بايلانىستى شۇعىل جيىن وتكىزىلدى

بۇگىن وسكەمەندە وسى ماسەلەگە بايلانىستى شۇعىل جيىن وتكىزىلىپ, جاعدايدىڭ ورىن الۋىنا ەرتىس باسسەينى ينسپەكتسياسىنىڭ ءوز جۇمىسىنا سالعىرت قاراعانى, سۋ دەڭگەيىنە دۇرىس مونيتورينگ جۇرگىزبەگەنى, ءۇش ەسە مولشەردەگى سۋ جىبەرەتىنىن جەرگىلىكتى بيلىككە الدىن الا ەسكەرتپەگەنى, سونىڭ كەسىرىنەن جۇزدەگەن ادامنىڭ ومىرىنە قاۋىپ تونگەنى ايتىلدى.

ء«ۇش كۇن ىشىندە تۇسىنىكسىز سەبەپتەرمەن سۋ توقتاۋسىز جىبەرىلگەن. ءشۇلبى سۋ قويماسىندا 1 ناۋرىزدا سۋدىڭ ورتاشا بوساتىلۋ كولەمى سەكۋندىنا 501 تەكشە مەتردى قۇراعان. 20 ناۋرىزدا سۋ كولەمى شۇعىل ارتىپ, سەكۋندىنا 661 تەكشە مەترگە جەتكەن. 25 ناۋرىزدا سەكۋندىنا 721, 27 ناۋرىزدا سەكۋندىنا 1127, ال 28 ناۋرىزدا اپاتتى جىبەرۋ, ياعني سەكۋندىنا 1800 تەكشە مەتر سۋ جىبەرىلگەن. بۇل سۋ قويماسىندا سۋ جىبەرۋ جۇيەلى تۇردە جۇرگىزىلمەگەنىن كورسەتەدى. سىزدەر ەشبىر ەسكەرتۋسىز جىبەرىلەتىن سۋ مولشەرىن ءۇش ەسەگە اسىرعانسىزدار. جاعدايدى نەگە الدىن الا بولجاماعانسىزدار؟», - دەدى جيىندا ءسوز العان وبلىس اكىمى دانيال احمەتوۆ.

ەرتىس باسسەينى ينسپەكتسيانىڭ باسشىسى قازىمبەك بايماعامبەتوۆ 23 ناۋرىز بەن 26 ناۋرىز ارالىعىندا قار ارالاس جاڭبىر جاۋىپ, قويماداعى سۋ مولايىپ, سۋ دەڭگەيى اپاتتى شاماعا جەتكەندىكتەن, بوگەن قاۋىپسىزدىگى ءۇشىن سۋدى كوپتەپ جىبەرۋگە ءماجبۇر بولعاندىقتارىن جەتكىزدى. جيىنعا قاتىسقان وبلىس پروكۋرورى قۇسايىن يگەمباەۆ ورىن العان جاعداي قازىر تەكسەرىلىپ جاتقانىن اتاپ ءوتتى. «7 ناۋرىزدا ارنايى جيىن وتكىزىپ, قالا مەن اۋدان اكىمدەرىنە, ءتيىستى مەملەكەتتىك ورگاندارعا جاعدايدى كۇندەلىكتى قاداعالاپ, مونيتورينگ جۇرگىزۋدى تاپسىرعانبىز. قازىرگى ۋاقىتتا توتەنشە جاعداي جاريالانعان اۋدانداردا دا تەكسەرۋ جۇرگىزىلۋدە», - دەدى وبلىس پروكۋرورى.

28 ناۋرىز كۇنى تۇندە ەرتىستەگى سۋ دەڭگەيى 525 سانتيمەترگە (شەكتى دەڭگەي – 450) جەتىپتى. تۇيەمويناق ارالىنان 192 ادام قاۋىپسىز جەرگە كوشىرىلگەن. 139 ادام (ونىڭ – 40-ى بالا) قوناقۇيگە ورنالاستىرىلعان.

ازامات قاسىم,

«ەگەمەن قازاقستان»

شىعىس قازاقستان وبلىسى